Garbikerek eta Ecoembesek kirol-proba hau antolatzen dute, edukiontzi horian ontzi arinak birziklatzeko beharraz sentsibilizatzeko

Ekainaren 12an, larunbata, Garbiker II. Bandera ospatu da Bilboko Itsasadarreko uretan. Beteranoen La Salve Ligako laugarren jardunaldiari dagokion traineru-estropada, Garbiker eta Ecoembesen laguntza izan duen.

Jardunaldi hau estropada ikustera hurbildu den publikoa brikak, edari-latak, janari-ontziak, poltsak edo plastikozko botilak bezalako ontzi arinak, plastikoak eta metalezko ontziak Bizkaiko kaleetan aurki ditzakegun edukiontzi horietan behar bezala birziklatzeko beharraz kontzientziatzeko baliatu da.

Horretarako, Garbikerrek eta Ecoembesek stand bat jarri dute, eta bertan modu didaktikoan ontzi arinekin eta haien birziklapenarekin lotutako hainbat gai azaldu dituzte, baita edukiontzi horian zer bota behar den eta zer ez den bota behar ere. Gure ingurunean duten eragin negatiboa gutxitzeko eta ekoizpen-zikloan berriz sartu ahal izateko hondakin-mota horiek murriztearen, berrerabiltzearen eta birziklatzearen garrantzia ere azaldu da. Gainera, stand-era hurbildu diren haurrek gaztetxoen artean ontzi arinen birziklapena sustatzeko bereziki diseinatutako merchandisinga jaso dute.

Jasangarritasunaren 7 printzipioei jarraiki, Garbikerrek eta Ecoembesek batera hartu dute parte ekimen honetan, Bizkaiko gizarte osoari ontzi arinen edukiontzian birziklatzeko beharra ezagutarazi, hezi eta helarazteko, hondakinak sortzeko, kontsumitzeko eta kudeatzeko moduari buruzko hausnarketa egiteko, bai eta Ekonomia Zirkularrari esker, ingurumenari kalterik egin gabe ditugun baliabideak modu eraginkor eta jasangarrian aprobetxatu ahal ditugula ezagutzera emateko ere.

Garbiker II. Bandera

Beteranoen traineruen estropada erlojuaren kontrako modalitatean egin da San Anton zubitik Euskalduna zubiraino, eta bertaratutakoek Itsasadarraren bi ertzetatik eta traineruek bere ibilbidean zeharkatu dituzten 10 zubietatik estropadaz modu seguruan gozatzeko aukera izan dute.

Azken garaipena Badok 13ko tripulazioarentzat izan da, 12:45,96an osatu baitu ibilbidea, eta, ondoren, Pontejos eta Getxoko traineruak agertzen dira sailkapenean.

La Salve Ligak hamaika estropadaz osatutako lehiaketa egutegia du, eta hamar klubek hartzen dute parte: Sestao, Badok 13, Bilbo, Fortuna, La Iberia, Getxo, Pontejos, Ibaialde, Plentzia eta Zumaia.