Ohiko Galderak

  • Hondakinak uztea: Garbikerren instalazioetan utzitako hondakinak Bizkaiko Foru Aldundiaren 220/2023 Foru Dekretuan jasotako prezioen arabera fakturatuko dira, eta prezio horiei dagokien zerga gehituko zaie, ekonomia zirkular baterako hondakinei eta lurzoru kutsatuei buruzko apirilaren 8ko 7/2022 Legearen arabera.

    Garbikerren beste tarifak ezagutzeko sakatu hemen.

  • Hauxe da BASAURI, BARAKALDO, DURANGO, ERANDIO, GERNIKA, GETXO, GUEÑES, IGORRE eta MARKINAko garbiguneen ordutegia:

    • Astelehenetik larunbatera: 09:00etatik 13:25era eta 15:30etik 18:00etara.
    • Igandeak (erreferentziazko 9etan): 09:00etatik 15:00etara.

    Gainerako garbiguneetan, hauxe da ordutegia:

    • Astelehenetik ostiralera: 09:00etatik 13:25era eta 15:30etik 18:00etara.
    • Larunbatak: 09:00etatik 13:25era.

  • Zure posta-kodea eta utzi nahi duzun hondakina lotura honetan idatzita, ikusiko duzu zein den hondakin horrekin joateko hurbilen duzun garbigunea.

  • Jakiteko zein hondakin utz dezakezun garbigune bakoitzean eta zenbat, sakatu hemen.

    Bizkaiko garbiguneen sarearen funtzionamenduari buruz informazio gehiago nahi baduzu, BIZKAIKO GARBIGUNEEN ARAUDIRA

  • Zalantzaren bat baduzu non utz dezakezun hondakinen bat, Bizkaireziklaren web-orrialdean kontsultatu dezakezu

  • Hondakinen bilketa-zerbitzua (ordutegiak, edukiontziak eta flota) udalen edo/eta mankomunitateen eskumena da; horrenbestez, horri buruzko galderaren bat egin nahi baduzu edo gorabeheraren baten berri eman nahi baduzu, udalarekin jarri beharko duzu harremanetan, eta hark, hala badagokio, mankomunitatera bideratuko zaitu.

  • Hondakin organikoen bilketa udalen edo/eta mankomunitateen eskumena da; horrenbestez, zerbitzuan alta egin, gorabeheraren bat jakinarazi (txartela galtzea, lapurreta, etab.), edo zerbitzuari buruzko galderaren bat egin nahi baduzu, udalarekin jarri beharko duzu harremanetan, eta hark, hala badagokio, mankomunitatera bideratuko zaitu.

  • Bizkaiko Konpostegiaren jendaurreko ordutegia 07:00etatik 19:00etara da.

    Konposta soltean merkaturatzen da, eta garraioa pertsona eta/edo erakunde eroslearen ardura izango da. Garbikerrek EZ du konposta garraiatzen; zuzenean pala kargatzailearen bidez ontziratu gabeko karga kamioiratzea baino ez du egiten. Horrenbestez, jasotzera joaten diren enpresek, erakundeek eta erabiltzaileek beren baliabide osagarriekin joan beharko dute (ibilgailua itxita edo olanaz estalia, zakuak, etab.).

  • Inola ere ez da onartuko frakzio organikotik datozen hondakinak pisuan edo bolumenean %5eko edo hortik gorako inpropioekin uztea . Utzi beharreko kargak ehuneko hori gainditzen duela detektatuz gero, berehala debekatuko da hori deskargatzea.

  • Garbikerrek udal-jatorriko hondakinak soilik kudeatzen ditu bere instalazioetan; ez du bestelako hondakinak biltzeko edo garraiatzeko zerbitzurik ematen.

    Zure enpresan sortutako hondakinak kudeatzeko, Eusko Jaurlaritzaren lotura honetan begiratu dezakezu.

  • Garbiguneak Bizkaiko Lurralde Historikoko udalerrietan hondakinak sortzen dituzten herritar banakoek erabiltzeko dira. Honako hauek ere erabiltzailetzat hartzen dira: 

    - Etxeko obra txikietako autonomoak.
    - Bizkaiko bulegoak eta denda txikiak.

    Aurrekoa gorabehera, bulegoen eta denda txikien kasuan, hondakin hauek baino ez dira onargarriak:

    - jarduera nagusiari ez datxezkionak eta,
    - utzi beharreko kantitatea etxeko erabilerarekin parekagarria bada eta garbiguneen erregelamenduan ezarritako mugen barruan badago.

    Beraz, garbiguneen erregelamenduan jasotzen ez diren hondakinak nahiz jasotzen ez diren erabiltzaile-taldeak (adibidez, enpresak) kudeatzaile baimendu batek kudeatu beharko ditu 

  • Garbigune batean hondakinak utzi direla egiaztatu behar duten pertsonek instalazioan bertan eskatu beharko dute deskarga egiteko unean. Garbiguneko langileek emango dute ziurtagiria, hala dagokionean.

    Gordailuaren egiaztagiria eskatzeko gehieneko epea urtebetekoa (1) izango da, egindako lehen gordailuaren egunetik zenbatzen hasita.

  • 2018ko uztailaz geroztik SIGNUS Kudeaketa Sistema Integratuak (garbiguneetan utzitako pneumatikoen bilketaz eta kudeaketaz arduratzen den erakundea) ez du jasotzen erabiltzen ez diren pneumatikorik, baldin eta ez badatoz pneumatiko berrien fakturekin batera.

    Hori dela eta, Garbikerrek ere aipatutako dokumentazioa eskatu beharra du, gure garbiguneetatik hondakinak kendu ahal izateko.
    ​​​​​​​
    Beharrizan hori Garbikerrek Bizkaian kudeatzen dituen garbiguneen funtzionamendua arautzen duen Araudian dago jasota.

  • Gaur egun Garbikerrek ez du praktiketako ikaslerik onartzen.