Era guztietako pertsonentzat dira; lehentasunez eta azalpenak hobeto aprobetxatzeko, gutxienez 8 urte izatea gomendatzen da.

Talde bakoitzaren ezaugarrien eta betebeharren arabera, bisiten iraupena egokitu egiten da, bi ordu eta erdi eta hiru ordu eta erdi bitartean.

Hauek dira bisitaren mugarri nagusiak:

1. Hondakinen problematikari eta 3R ekintzei buruzko sarrera (reducir, reciclar y reutilizar, hau da: murriztu, birziklatu eta berrerabili).
2. Hondakinek bigarren erabilerako lehengai bihurtu arte jarraitzen dituzten birziklatze-prozesuak azaltzea, objektu erabilgarri berri bat sortzeko (ekonomia zirkularra).
3. Errefusaren tratamenduaren azalpena, tratamendua TMBn, Zabalgarbin, Lixibiatuen Plantan eta Artigasko biltegian.
4. Ondorioak taldearekin.
5. Lehen hezkuntzako ikasleekin jolasa eta otorduan sortutako hondakinen analisiaren dinamika.
6. Udako hilabeteetan programa ludikoa eskaintzen da, jolas eta dinamika gehiagorekin.

BKrako bisita hamabi urtetik gorako pertsonei edo taldeei zuzenduta dago (Bigarren Hezkuntzatik aurrera). Gutxi gorabehera, hiru ordu laurden irauten du, eta Zentrora egindako bisitaren osagarri gisa egin ohi da.

Horrela, konpostatzeko prozesua azaltzen da in situ: karakterizazioa, birrinketa, eraketa, pilen hartzidura eta heltzea, bahetzea, analisia eta amaitutako produktuaren irteerak.

Bisita presentziala unibertsitateko ikasleekin egiten da eta ordubeteko iraupena izaten du.

Planta honetan, errefusaren edukiontzira botatako zaborraren tratamendu mekaniko eta biologikoa azaltzen da. Segurtasun-arrazoiak direla eta, bisita gela batean egiten da, eta, azkenean, kontrol-gelara sartzen da. Bertan, prozesuaren zati bat in situ ikus daiteke.

Bisita presentziala da, eta Lehen Hezkuntzako lehen ziklorako da, ikastetxetik gertuen dagoen Garbigunean, eta 45 minutuko iraupena du.