Aluminioa metal indartsu, iraunkor, arin eta moldakorra da. Ezaugarri hauek direla eta, industrian gehien erabiltzen den metaletako ba da, burdinaren eta altzairuaren ondoren. Harekin erabateko produktu mota ekoizten dira, hala nola edari-latak, lapiko eta zartaginak, hegazkinak, aluminio-paperra, etab.

Aluminioa ez da egoera puruan aurkitzen naturan, normalean bauxita izeneko mineral batetik dator, non batez ere oxigenoarekin nahastuta agertzen da. Modu horretan lortutako materialari aluminio primario esaten zaio. Aluminioaren abantaila handienetako bat da birziklatzean ez dituela bere ezaugarriak galtzen bizitza erabilgarri bera mantenduz, eta birziklatze-prozesuak aluminio primarioa sortzeko beharrezkoa den energiaren %5 baino ez duela erabiltzen. Beraz, birziklatzea oso onuragarria da ingurumenerako. Jatorri birziklatuko aluminioa sekundarioa deritzo, eta merkatuan balio handiena duen ontziratze-materiala da.

Aluminioaren onuren artean honako hauek aurki ditzakegu:

- Propietate berak mantentzen ditu tratatu eta birziklatu ondoren.

- Ekoizteko beharrezkoa den energiaren %5 bakarrik erabiltzen du, CO2 emisioak murriztuz.

- Birziklatzeak %95eko energia aurrezten du, material primarioa ekoizteko behar den energiarekin konparatuz.

- Supermerkatuetan erositako aluminio-latak, hala nola kontserba edo freskagarrietarako erabiltzen direnak, nahi beste aldiz erabil daitezke birziklatu ondoren.

Onura hauek kontuan hartuta, material honen birziklapena ingurumenari mesede egiten dio energia asko aurrezten duelako, eta, horrela, hondakinak naturan edo itsasoetan bukatzea saihesten da, kantitate handietan aluminioa toxikotzat hartzen baita.

Aluminioa birziklatu egiten da hondakinak edukiontzi horietan botatzen. Bizkaian, ontzi arinak birziklatzeko eta berreskuratzeko prozesu hau jarraitzen da:

1. Ontzi arinak edukiontzi horian uzten dira.
2. Edukiontzi horian dauden hondakinak bildu ostean, bildutakoa sailkapen-plantara
(BZB) eramaten da.
3. BZBn, 7 produktu mota bereizten dira. Bere artean aluminioa dago.
4. Sailkatu ondoren, birziklatuko dituzten enpresetara eramaten dira.
5. Birziklatzeko enpresa horiek materia prestatu egiten dute berriro produkzio-katean
sartzeko eta produktu berriak egiteko.

Materialen birziklapenari esker, produktu berriak egin daitezke, hala nola bidoiak, autoen egiturak, ispiluak, tetrabrikak, tutueriak, altzariak edo kontserba- eta freskagarri-latak, besteak beste.