Ekodiseinua ekonomia zirkularraren funtsezko faktorea da, produktuen berrerabilpena erraztuz, ingurumen-inpaktuak kontuan hartuta diseinu-fasetik.

Ezin da ukatu “erauzi-ekoiztu-erabili-bota” dinamikan oinarritutako ekonomia linealak ondorio negatiboak eragin dituela planetan. Eredu horrek lehengaien gainean sortzen duen mendekotasunak hornidura-iturriak agortzearekin mehatxatzen du, materialak zein energetikoak. Gainera, horien hornidurarekin lotutako arriskua ere sortzen du, eta horrek hainbat ondorio ekar ditzake, hala nola prezioak igotzea edo kapital naturala galtzea. Irtenbideetako bat ekonomia zirkularraren ezarpenari pisu handiagoa ematea da.

Ekonomia zirkularra produktuen, materialen eta haien balio-bizitza osoan erabilitako baliabideen garrantzia kontuan hartzen duen eredua da. Funtsean, jasangarritasunaren 7 printzipioen praktikan oinarritzen da: berdiseinatu, murriztu, berrerabili, birziklatu, berreskuratu, berrezi eta bergizarteratu. Halaber, ekodiseinua funtsezko faktoreetako bat da; izan ere, produktuek diseinu-fasean izango dituzten ingurumen-inpaktuak zehazten ditu, eta material jasangarriekin artikuluak diseinatzeko aukera ematen du, ondasunek beren balio-bizitza berrerabiltzeko eta birziklatzeko moduan amai dezaten.

Laburbilduz:

- Ekoizpen eraginkorragoa du, energia aurrezten eta erabilitako materiala gutxitzen laguntzen du, identifikatzen, berrerabiltzen edo birziklatzen errazak diren materialak erabiltzeaz gain.

- CO2 emisioak murrizten laguntzen du, garraioan lortzen den materialaren eta kontsumoaren aurrezpenaren ondorioz. Adibide gisa muntatu gabeko altzariak aipa daitezke, bidaia bakar batean altzairu bat baino gehiago garraia baitaitezke.

- Kontsumitzaileen eskaria hainbat merkatutan erakargarriagoak eta berritzaileagoak diren produktuekin asetzen du.

- Artikuluak, oro har, iraunkorragoak dira beren balio-bizitzan, material jasangarriek luzarokoak izan behar dutelako.

Bizkaian pauso sendoz egin dugu aurrera, ingurumena gehiago errespetatzen duen ekonomia baterantz. Adibidez, Crowdfunding Bizkaia foru-plataformak, Bizkaian jaio eta kokaturiko eta gizarte-eragin handia edota elementu berritzaile argia duten proiektuei laguntzen dienak, ekodiseinuko hainbat proiektu bultzatzen lagundu du. 

Kontsumitzaileak izanik, ekonomia zirkularrean lagun dezakegu gure etxeetatik. Nola? Kontsumo arduratsua eginez, hondatzen diren produktuak konponduz, sortu ziren funtzioa bete duten produktuak berrerabiliz, eta bizitza erabilgarria amaitu zaien produktuak behar bezala birziklatuz. Eta, jakina, gure inguruko pertsonak eta enpresak modu jasangarrian pentsa dezaten heziz.