Herritarren aldetik jasotako erantzun onaren ondoren, eta birziklapen kontrolatua handitu aldera, 2021eko uztailean Garbigune Mugikorraren zerbitzu zabaldua berriz jarri da martxan, esperientzia pilotuaren bi etxoletatik, seira igaroz.

Horrek esan nahi du, ekimen honi atxikitako udalerri bakoitzeko egonaldia (%81, 2021ean) luzatu egin daitekeela eta urteko maiztasuna handitu, parte hartu duten udalek eskatu bezala.

Baserri forma eta bandalismoaren aurkako egitura metalikoa duten etxola hauek, 15 konpartimentu dituzte, euskaraz eta gaztelaniaz identifikatuta, hondakin mota ezberdinak utzi ahal izateko: etxekotresna txikiak, sukaldeko tresnak, etxeko olioa, sakeleko telefonoak, kableak, aerosolak, kutsatutako xurgatzaileak, tonerrak, tintazko kartutxoak, metalezko kapsulak, plastikozko kapsulak, pilak, erradiografiak, pinturak eta disolbatzaileak, eta CDak, DVDak eta kasseteak.

Zerbitzua guztiz doakoa da, eta atxikitako udalerriek herriguneetan kokatuta dauden eta sarbide errazekoak diren espazio publikoak laga dituzte. Horrela, Garbigune Mugikorra txandaka dabil ekimenean parte hartzen duten 91 udalerritan, herri bakoitzean bi astez kokatuz, eguneko 24 orduetan, astelehenetik ostiralera. Kokapenen egutegia eta udalerrien araberako bilatzailea Garbigune Mugikorra atalean kontsulta daitezke.