Birziklapena alde batera utzi gabe, hondakinen sortzea ekiditea helburu dela, plastikoaren inguruko iraunkortasun azken neurri europarrek honen erabilpena murriztu behar dela diote. Joera horri jarraiki, Bizkaiko Foru Aldundiko ‘3, 2, 1, 0 hondakin’ kanpainak horren alde egiten du ere.

Sortutako hondakin plastikoen zenbatekoa behatzen badugu, datuak beldurgarriak direla ikusiko dugu: Europak hondakin plastiko 26 milioi tona inguru pilatzen ditu urtero. Gainera, Europar Parlamentuko Ikasketa zerbitzuaren arabera, 4,8 eta 12,7 tona artean ozeanoetan bukatzen dute. Egun, ozeanoek 150 milioi plastiko tona dituela uste da, hau da, itsas zaborraren %70 inguru. Erne egon behar garelako seinale argia.

Eta hemen galderarik sonatuena: zergatik ekidin hondakina, gero plastikoa birziklatu ahal badugu? Birziklatuz baliabideen kontsumoa murrizten da, baina prebentzioa da hondakinek ingurumenean eta ekonomian duten eragina gutxitzeko eta eskura dauden baliabideen erabilera eraginkorra hobetzeko biderik onena.

Bestalde, argitu beharra dago, era orokorrean plastikoa birziklagarria den arren, plastiko mota guztiak ez direla birziklagarriak. Gainera, zenbait kasuetan, hondakinak kontainerretan botatzean egiten den klasifikazio okerrak ez du alde egiten. Zinta itsasgarria, fax eta tiket papera, paper plastifikatuak, material auto-itsasgarriak edo argazkiak, esaterako, edukiontzi egokian uzten ez diren plastikoaren antzeko materialak dira.

Botiken blisterrak, eguzkiak hondatutako plastikoak, erretxinazko altzariak, etab., beste material batzuekin nahasitako plastikoak dira eta ezin dira birziklatu.

Modu berean, erabilpen bakarra duten produktuak ere daude: kotoi-zotzak, gozoki, bilgarriak, toallitak eta tanpoiak, edo erabili eta botatzeko mahai-tresnak eta lastoak. Hauen kasuan, lehentasun osokoa da beren erabilera ekiditea, baina, noski, ahal izanez gero, behin hauek erabilita aukerarik onena birziklatzea da.

Europan plastikoen birziklapena bultzatzeko helburuarekin, Europar Batasunak, hemendik 2025era, urtero produktu berriak fabrikatzeko hamar milioi tona plastiko birziklatu erabiltzea du xede.