"Ekonomia zirkularraren bitartez, egungo hazkunde ekonomiko globalaren eredua birdefinitzeko asmotan gabiltza, jarduera ekonomikoa baliabide finituen kontsumotik bereiziz. Orobat, sisteman sortzen diren hondakinak kudeatzeko asmoa dugu, berrikuntzan eta prozesuak etengabe hobetzeko printzipioetan oinarritutako tratamendu egokienez, errentagarritasun-irizpideak gogoan izanda.

Azken batean, gure merkatu-posizioa garatzen dugu, ingurumenarekiko eta pertsonekiko erantzukizunean oinarrituta, "hondakinari" bizitza berria bideratuz, produktu berri bat sortuko duen lehengai bihurtzeko.

Indumetal Recyclingen ingurunea errespetatzeko prozesuak eta irtenbideak garatzen ditugu, hondakinak sortzea gutxienekora murrizteko. Indumetalen %90 inguruko balorizazio-mailetara iristen gara, ekonomia berdea bideratzeko moduan. Eduki aprobetxagarriak berreskuratzearen eta hondakinak egoki desegitearen arteko orekari eustea nahitaezkoa da, etengabeko zirkuluan birziklatzeko eta egungo gizarteak eskatzen duen jasangarritasuna lortzeko."

Indumetal Recycling Webgunea