Waste Lab Bizkaia (WLB) espazio berritzailea da, Bizkaiko Parke Teknologikoan kokatua, eta herritarren sentsibilizazioa, ikerketa aplikatua eta jasangarritasunerako funtsezko sektore batean inplikatutako eragileen arteko lankidetza sustatzen ditu. WLBren helburua ahaleginak eta ezagutza batzea da ekonomia zirkularraren erronkei aurre egiteko, prebentzioa sustatuz bere estrategien ardatz nagusi gisa eta etorkizun jasangarriago bat lortzen lagunduko duten irtenbide praktikoen garapena bultzatuz.

Lankidetza-proiektu gisa sortu da, eta Bizkaiko Foru Aldundiak beste enpresa batzuen eskutik lan egin du, abangoardiako baliabide teknikoak, ezagutza espezializatua eta hondakinen kudeaketaren erronkak eta irtenbideak herritarrei hurbiltzeko ikuspegi praktikoa konbinatzen dituen zentro bat diseinatuz.

Hauek dira inauguratzeko eta hainbat eragileri aurkezteko egin diren ekitaldiak:

• - Azaroak 26. Inaugurazio Instituzionaleko Ekitaldia Ahaldun Nagusiarekin, eta alkateei eta mankomunitateetako lehendakaritzei zuzendua
• - Azaroak 27. Toki-erakundeetako teknikariei aurkezteko ekitaldia.
• - Azaroak 28. Enpresa eta profesionalei zuzendutako aurkezpen ekitaldia.
• - Azaroak 28 eta 29. ‘Kantauri Itsasoko Ertzeko Hondakinak Kudeatzeko Enpresa Publikoen III. Topaketa’, non Galiziako, Asturiasko, Kantabriako, Gipuzkoako, Bizkaiko eta Huescako erakundeetako ordezkariak bildu baitira birziklatzearen eta ekonomia zirkularraren arloko esperientziak eta erronkak partekatzeko, kudeaketa jasangarri baterako lurraldeen arteko lankidetza eta ikaskuntza indartzeko helburuarekin.