Garbikerreko zuzendari nagusiak, Jon Sáenz de Viguerak, mahai-inguru batean parte hartu du, Bizkaiko udal-eskumeneko hondakin organikoa tratatzeko Artigasko ekoparkean eraikiko den biometanizazio-planta azaltzeko.

Kongresua Valladoliden egin zen urriaren 3an eta 4an, eta gai horretan espezializatutako Europako ekitaldi nagusietako bat da. 60 iritzi-liderrek eta sektoreko puntako erakundeetako arduradunek parte hartu dute. Edizio honetan, biogasaren eta biometanoaren sektoreko alderdi guztiei modu errealistan heltzea azpimarratu du, erakunde inbertitzaileetako, ingeniaritzetako, hondakinen kudeatzaileetako, aholkularitzetako, administrazio publikoetako eta abarretako profesional interesdunek segurtasun eta informazio handiagoz ekin ahal izan diezaieten beren proiektu eta erantzukizunei.

Hitzaldian, Jon Sáenz de Viguerak proiektuaren egoera azaldu du, baita orain arte egindako bidea ere, erakundeen eta enpresen ikuspegia konbinatzen dituen ikuspegi praktiko batetik. Era berean, Nekazaritza, Arrantza eta Elikadura Ministerioarekin eta Estatuko hainbat administraziorekin zuzenean partekatu ahal izan ditu gauzatzen ari diren biogas-estrategiak.

Ekitaldi hori bat dator denboran Metabarrik, planta eraiki eta ustiatuko duen ekonomia mistoko sozietateak, proiektua idazteko eta obra zuzentzeko irekita duen lizitazioarekin.