Berdeago Durangoko Landako Gunera itzuliko da bere VIII. edizioa ospatzeko. Ezin bestela izan, Garbiker iraunkortasunaren inguruko euskal hitzordu nagusienean izango da, eta beste behin ere, baliabideen erabilera eraginkorra, produktuen berrerabilpena eta birziklapena sustatuko ditu, publikoaren artean sentsibilizazio-bideak zabaltzeko helburuarekin.

Azoka Berdeago Energy-rekin hasiko da, Eraginkortasun Energetikoaren eta Ingurumen Berrikuntzaren Azokarekin hain zuzen. Urtarrilaren 31tik (ostirala) otsailaren 2ra (igandea) bioekonomia, larrialdi klimatikoa, etorkizuneko etxebizitza, energia-eraginkortasunaren hobekuntza, ekoizpen berriztagarria eta autokontsumoa, eta GIH hirientzako irtenbideak bezalako gaiak jorratuko dira.

Ekitaldiak Berdeago Nature-rekin jarraituko du. Otsailaren 8an eta 9an izango du leku eta 55 erakusmahai izango ditu. Besteak beste, elikadura, turismo iraunkorra, ongizatea, etorkizuna eta garapen iraunkorrerako helburuak, ekonomia zirkularra eta globalizazioa bezalako gaiak landuko dira bertan. Horrez gain, ludoteka zerbitzua eta moda iraunkor desfilea ere izango dira.

Berdeagok gizartea kontzientziatzea eta sektorearen azken joerak erakustea du helburu. Gauzak horrela, azoka publiko profesionalari (aparejadoreak, arkitektoak edo eraikitzaileak, besteak beste) zein partikularrari zuzenduta dago, hau da, etxea edo lokala eraberritzeko interesa duen publikoari. Baita ikastetxeen bisitak ere. Aurtengo edizioak 10.000 bisitari inguru biltzea aurreikusten du.

Garbiker bere Garbigune Mugikorrarekin lekuratuko da, birziklapen kontzeptua herritarrei azaltzeko eta hurbiltzeko helburua duen zerbitzua. Urtean zehar, ekimenari atxikitako udalerrietatik txandakatzen doan instalazioa da.

Iraunkortasuna ez da bi eguneko gauza, baina gizarte berdeago baterantz jotzea da bide bakarra. Erronkari heldu nahi diozu?

Informazio gehiago: https://www.berdeago.eus/energy-eus/