Birziklatzea gure eguneroko bizitzaren parte da, baina beti ez da erraz topatzen ezohiko hondakinak behar den lekuan utzi ahal izateko unetxo bat. Lan hori errazteko, Garbikerrek Garbigune Mugikorra jartzen dizu eskura. Zerbitzu horrek ezohiko hondakin horien bilketa hurbiltzen du Bizkaiko udalerrietara, garbigune finkoetako batera joan beharrik gabe.

Garbigune mugikorrak sei edukiontzi ibiltari ditu. Atxikitako herrietan jartzen dira, bi astez gutxi gorabehera, normalean erdigunean eta pertsona guztiak iristeko moduko gune batean.

Zer hondakin utz dezaket?

Garbigune mugikorrean, beren ezaugarriengatik gainerako edukiontzietara bota behar ez diren hondakinak utz ditzakezu. Hauek onartzen dira: tresna elektriko eta elektroniko txikiak, pilak eta bateriak, bonbillak eta fluoreszenteak, telefono mugikorrak, kableak, kargagailuak, tinta- eta toner-kartutxoak, etab. Era berean, sukaldeko olio erabilia (ontzi batean ondo itxita, betiere), pinturak, disolbatzaileak eta etxeko garbiketa produktuak, kafe-kapsula metalikoak eta plastikoak eta erradiografiak eraman ditzakezu. Hemen kontsulta ditzakezu onartutako hondakin guztiak.

Beren izaeragatik berrerabilgarriak edo birziklagarriak diren hondakinak dira, edo arriskutsuak izateagatik tratamendu berezia behar dutenak.

Noiz etorriko da nire udalerrira?

Garbigune Mugikorra Bizkaiko udalerrietan ibiltzen da, aldiro, eta gutxi gorabehera aste bi ematen ditu herri bakoitzean. Zure udalerrian noiz egongo den jakiteko, webguneko egutegi interaktiboa erabil dezakezu.

Zure udalerrira doanean, Garbigune Mugikorra erabiltzea modu erraza da behar bezala birziklatzeko eta gu guztiona den ingurunea zaintzeko. Gorde hondakin berezi horiek, eta hurbildu zaitez zugandik hurbil dagoenean. Eta gogoratu hurbileko Garbigunera ere joan zaitezkeela, zure hondakinak uztera. Denon artean, lurralde garbiagoa eta jasangarriagoa sortzen dugu!